Голливуд актрисаси Скарлетт Йоханссон режиссёрликка қўл урди

Актриса Скарлетт Йоханссон режиссёрлик фаолиятида дебют ишини бошлади. Бу ҳақда Variety хабар бермоқда.

Унга кўра, илк фильмда Джун Скуибб (“Шмидт ҳақида”, “Небраска”), Чиветел Эджофор (“12 йил қуллик”, “Доктор Стрейнж”), Жессика Хейт (“Дўстлар”), Эрин Келлиман (“Воз кечилганлар”) ва бошқа актёрлар суратга тушиши режалаштирилган. Фильм сценарийси Тори Кеймен қаламига мансуб.

Фильм “Элеонор. Кўринмас одам” деб номланиб, унда 90 ёшли Элеонор Моргенштейн исмли аёл ҳақида сўз боради. Қаҳрамон яқин дўстининг вафотидан сўнг ўзини қўлга олиш ва руҳан тикланиш учун Флоридадан Нью-Йоркка қараб йўл олади.

Фильм TriStar Pictures ва Sony Pictures Classics компаниялари томонидан суратга олинади.