Машҳурлар ҳақидаги баъзи маълумотлар мухлисларни ҳайратда қолдиради. The Voice нашри эгизаги бор машҳурлар рўйхатини тақдим этди.
Александр ва Наталя Ревва
Наталя машҳур хонанда ва комикдан 15 дақиқа аввал дунёга келган. Эгизаклар болалигидан бирга ўсиб-улғайган, рақс билан шуғулланган. Мактабда битта партада ўтириб таҳсил олган опа-укалар олий таълимда турли йўналишни танлашни афзал билган. Александр техника, Наталя эса хорижий тиллар бўйича ўқиган. Кейинчалик Наталя турмушга чиқиб Донецкка жўнаб кетган. Масофалар узоқ эканига қарамай, эгизаклар бир-биридан доимий равишда ҳол-аҳвол сўраб туради.
Рами ва Сами Малек
Эгизаклар 1981 йил 12 майда дунёга келган. Рами укаси Самидан нақ 4 дақиқага катта. Акасидан фарқли равишда кичик Малек санъатни эмас, инглиз тилидан ўқитувчилик қилишни маъқул билган. Ижтимоий тармоқларда саҳифаси мавжуд бўлмаган Сами ҳамиша акасини қўллаб-қувватлаб туради. У 2019 йилдаги «Олтин глобус» тақдирлаш маросимида акасининг ёнида бўлган.
Елена Малишева ва Алексей Шабунин
Серфарзанд оилада ўсиб-улғайган бошловчининг ундан атиги ярим соатга катта акаси борлиги ҳақида ҳамма ҳам билавермайди. Шабунин ҳам синглиси сингари карьера борасида тиббиёт соҳасини танлаган. Бугунги кунда у шифохонада жарроҳ сифатида фаолият олиб боради.
Скарлетт ва Ҳантер Йоханссон
Актриса 22 сентябрда таваллуд кунини бир ўзи эмас, ундан 3 дақиқа кейин туғилган укаси Ҳантер билан бирга нишонлайди. 80 йилларда Йоханссоннинг ота-онаси тўртала фарзандини ҳам моделлик бизнесига киритишга ҳаракат қилган, аммо агентлар тўнғич фарзанд Эдрианнинг ўзини танлаш билан чекланган. Айнан шундан кейин Скарлетт актриса бўлишга қарор қилган. Ҳантер ҳам ўзини киносаноатда синаб кўрган, ҳатто опаси билан бирга суратга ҳам тушиб улгурган. Шундан кейин актёрлик у учун эмаслигини тушуниб етган ва сиёсатда ўзини топишга ҳаракат қилган. Барак Обама президент бўлишидан аввалги сайлов жараёнида Ҳантер етакчи мутахассислар жамоасида бўлган.
Линда ва Лесли Хемилтон
Опа-сингилларнинг ўртасида 6 дақиқа фарқ бор: биринчи Лесли, кейин эса Линда дунёга келган. Линда болалигида опасига ўхшамаслик учун қўлидан келган ҳамма нарсани қилган: соч турмаги ва рангини ўзгартирган, киприкларини кесган, вазн тўплаган. Шифокорлар саломатлигида муаммо борлигини аниқлаганидан кейин эса улар бир-биридан айрилмаган. Кўриниши ўхшаш эканига қарамай, опа-сингилларнинг касб борасидаги танловлари фарқли бўлган. Линда актрисалик, Лесли эса ҳамширалик қилишни маъқул билган.
Жизел ва Патрисия Бундхен
1980 йилда тўртта қиз ўсиб-улғайган Бундчен оиласида бир вақтнинг ўзида иккита гўзал қизалоқ: эгизак Жизел ва Патрисия туғилди. Патрисия Бундхен синглиси Жизелдан беш дақиқа олдин дунёга келган.
Жизел ўзининг ёрқин моделлик карьераси учун опасига қарздор эканини бир неча бор айтган. Бир пайтлар Патрисия ўзини модель сифатида синаб кўрганига қарамай, тез орада у синглисининг менежери бўлиб қолиши ва подиумлардан ташқари мода саноатига ҳисса қўшиши яхшироқ эканини тушуниб етади.
Мавзуга доир:
- Машҳурлар оиласида дунёга келганини кўпчилик билмайдиган Голливуд юлдузлари (фото).
- Фарзандидан айрилган, 3 соат ухлаган, ҳожатхонада фаррошлик қилган: муваффақиятга эришиш йўлида турли қийинчиликлардан ўтган юлдузлар (фото)
- Роли сабаб томошабинлар танқиди ва ғазабига учраган машҳур актёр ва актрисалар (фото
- Фильмнинг суратга олиш жараёнида ҳомиладорлигини моҳирлик билан яширган актрисалар (фото)
Изоҳ (0)