Вашингтондаги Исроил элчихонаси олдида Ғазодаги урушга қарши бўлган АҚШ ҳарбийси ўзини ёқиб юборди. Бу ҳақда New York Times хабар берди.
Ҳарбий 25 февраль куни очиқчасига: “Мен геноцидда иштирок этмайман” деб бақирган ва буни видеога олиб, Twitch ижтимоий медиа платформасида жонли эфирга узатган. Шундан кейин у “Фаластинга озодлик!” дея бақириб ўзини ёқиб юборган.
Видеода ёнғин бошланишидан бир оз аввал ҳуқуқ-тартибот идоралари ходимлари унга яқинлашгани акс этган. Улар эркакнинг ҳаракатларидан кейин оловни ўчирган. Элчихона ходимларидан ҳеч ким жабрланмаган. АҚШ ҳарбийси эса шифохонага олиб кетилган, унинг аҳволи оғир. АҚШ ҳарбий-ҳаво кучлари жабрланувчи уларнинг ходими эканини тасдиқлаган.
Изоҳ (0)