Леброн Жеймс, Криштиану Роналду ва Лионель Месси. Дунёнинг энг кўп даромад кўрувчи спортчилари

Дунёнинг энг даромади юқори спортчилар рўйхатидан уч футболчи жой олган. Рўйхатдаги спортчиларнинг умумий даромади 100 миллион доллардан ортиқ.

Қуйида спорт оламида энг кўп даромад олувчилар топ-5 лиги келтирилган. 

5. “ПСЖ” жамоаси ҳужумчиси Килиан Мбаппе бир йилда 125 миллион доллар даромад қилади. Шундан 100 миллион долларини у ойлик ва турли қўшимча мукофот пуллари ҳисобидан топади. Қолган 25 миллиони эса спортдан ташқари даромад (реклама, ҳомийлик шартномалар) ҳисобланади.

4. “Лос Анжелес” жамоаси аъзоси, тажрибали баскетболчи Леброн Жеймс йилига 125,7 миллион даромад қилади. Спортчининг бир йиллик мукофот пуллари ва маоши 80 миллион долларга тенг. Қолган қисми эса спортдан ташқари соҳалардан келади.

3. Аргентиналик футбол юлдузи Лионель Месси йиллик 130 миллион даромадга эга. Мессининг йиллик даромади тенг ярми маош ва қўшимча бонус пулларидан бўлса, қолган қисми спортдан ташқари келадиган даромадларлар ҳисобланади.

2. Кўп пул топадиган спортчилар рейтингининг иккинчи ўрнини голфчи Жон Рам эгаллаган. Спортчининг даромади 203 миллион долларни ташкил қилади. Голф юлдузи 181 миллионга яқин даромадни маош ва қўшимча мукофот пулларидан топса, қолган қисмини эса спортдан ташқаридаги фаолиятдан ишлаб топади.

1. Рўйхатнинг биринчи ўрнида турган “Ан-Насср” ҳужумчиси Криштиану Роналду эса 273 миллион доллар топади. Даромадининг 215 миллион доллари маош ва турли бонуслар ҳисобига келса, қолган қисми реклама ва турли спортдан ташқари фаолият ортидан келади.