Навоийда 21 нафар фуқаро ноқонуний равишда белгиланмаган жойдан қум-шағал юклаб кетаётгани аниқланди. Бу ҳақда вилоят Экология бошқармаси ахборот хизмати хабар берди.
Унга кўра, Экология бошқармаси давлат инспекторлари томонидан 2024 йилнинг 1 февралдан 22 февраль кунида қадар туман ва шаҳарларда ўтказилган экологик назорат рейд тадбирлари давомида 21 нафар фуқаро ноқонуний равишда белгиланмаган жойдан қум-шағал юклаб кетаётгани аниқланди. Булар:
- Хатирчи туманида 8 нафар;
- Навбаҳор туманида 8 нафар;
- Қизилтепа туманида 4 нафар;
- Нурота туманида 1 нафар.
Аниқланган ҳолатлар юзасидан фуқароларнинг барчасига Маъмурий жавобгарлик тўғрисидаги кодекснинг 70-модданинг 1-қисмига асосан маъмурий баённома расмийлаштирилиб 74 миллион 800 минг сўм жарима ҳамда 64 миллион 66 минг 343 сўм табиатга етказилган зарар белгиланди.
Изоҳ (0)