Navoiyda 21 nafar fuqaro noqonuniy ravishda belgilanmagan joydan qum-shag‘al yuklab ketayotgani aniqlandi. Bu haqda viloyat Ekologiya boshqarmasi axborot xizmati xabar berdi.
Unga ko‘ra, Ekologiya boshqarmasi davlat inspektorlari tomonidan 2024-yilning 1-fevraldan 22-fevral kunida qadar tuman va shaharlarda o‘tkazilgan ekologik nazorat reyd tadbirlari davomida 21 nafar fuqaro noqonuniy ravishda belgilanmagan joydan qum-shag‘al yuklab ketayotgani aniqlandi. Bular:
- Xatirchi tumanida 8 nafar;
- Navbahor tumanida 8 nafar;
- Qiziltepa tumanida 4 nafar;
- Nurota tumanida 1 nafar.
Aniqlangan holatlar yuzasidan fuqarolarning barchasiga Ma’muriy javobgarlik to‘g‘risidagi kodeksning 70-moddaning 1-qismiga asosan ma’muriy bayonnoma rasmiylashtirilib 74 million 800 ming so‘m jarima hamda 64 million 66 ming 343 so‘m tabiatga yetkazilgan zarar belgilandi.
Izoh (0)