Россиянинг Ural Airlines авиакомпанияси Россия ва Ўзбекистон ўртасида мунтазам қатновларни тикламоқда, деб хабар берди Uzbekistan Airports матбуот хизмати.
Маълум қилинишича, биринчи йўловчи рейси 2024 йил 13 январга мўлжалланган.
Авиакомпания Airbus А320 ва Airbus А321 каби самолётларда бешта йўналишда парвозларни амалга оширишни режалаштирмоқда:
- Екатеринбург—Самарқанд—Екатеринбург йўналиши бўйича парвозлар ҳафтасига икки марта — сешанба ва жума кунлари амалга оширилади.
- Москва—Наманган—Москва йўналиши бўйича парвозлар ҳафтасига икки марта — душанба ва шанба кунлари амалга оширилади.
- Москва—Тошкент—Москва йўналиши бўйича парвозлар ҳар куни амалга оширилади.
- Москва—Қарши—Москва йўналиши бўйича парвозлар ҳафтада уч марта — сешанба, пайшанба ва шанба кунлари амалга оширилади.
- Самара—Урганч—Самара йўналиши бўйича парвозлар ҳафтада бир марта — пайшанба кунлари амалга оширилади.
Ural Airlines авиакомпанияси бош қароргоҳи Екатеринбургда (Россия) жойлашган. Авиакомпания Россиядаги энг йирик бешта авиаташувчилардан бири ҳисобланади.
Изоҳ (0)