Туркияда қўлга олинган қидирувдаги ўзбекистонлик мамлакатга депортация қилинди. Бу ҳақда Бош консулхона ахборот хизмати хабар берди.
Қайд этилишича, фуқаро Туркия ва Ўзбекистон Ички ишлар вазирликлари ҳамкорлигида ўтказилган тезкор тадбир давомида қўлга олинган. У фирибгарлик жиноятини содир этганликда айбланиб, Ўзбекистон Ички ишлар вазирлиги томонидан қидирувда бўлган.
1976 йилда туғилган М.С. жорий йилнинг 20 февраль куни Ўзбекистоннинг Истанбул шаҳридаги Бош консулхонаси ходимлари иштирокида Истанбул халқаро аэропотидан Ўзбекистонга депортация қилинди.
Ушбу шахснинг хатти-ҳаракатларидан жабр кўрган фуқаролардан Ўзбекистоннинг Истанбул шаҳридаги Бош консулхонасига ёки Ички ишлар вазирлигига мурожаат қилиш сўралган.
30 январь куни фуқароларнинг кўп миқдордаги пул маблағларини фирибгарлик йўли билан ўзлаштиришда айбланиб, 2022 йилдан буён Ўзбекистон ИИВ томонидан қидирувда бўлган Фахриддин Шакарбоев (1965 йилда туғилган) ҳамда ўзлаштириш ёки растрата йўли билан талон-торож қилишда айбланиб, 2018 йилдан буён қидирувда бўлган Хумоюнбек Мардонов Ўзбекистонга депортация қилинганди.
Изоҳ (0)