Ўзбекистонда 2024 йилнинг январь ойида газ қазиб олиш 3,99 миллиард куб метргача камайган. Газ импорти эса 35,6 миллион долларни ташкил этган. Бу ҳақда Ўзбекистон республикаси президенти ҳузуридаги Статистика агентлигининг саноат ишлаб чиқариш бўйича ҳисоботида маълум қилинган.
Агентлик маълумотига кўра, 2024 йилнинг январь ойи охирида Ўзбекистонда газ қазиб олиш ҳажми 3,99 миллиард куб метрни ташкил этади. Ушбу кўрсаткич 2023 йил январига нисбатан 9,4 фоизга кам ҳисобланади. Газ импорти эса 35,6 миллион долларни ташкил қилган. Бу 2023 йилнинг декабрига нисбатан 3,7 баробар кам.
2023 йил якуни бўйича Ўзбекистонда газ қазиб олиш ҳажми қарийб 5 млрд куб метрга камайган. Нефть ва газ конденсати ишлаб чиқариш ҳажми ҳам камайган. Кўмир қазиб олиш эса 15,5 фоизга — 6,2 млн тоннагача ошган. Электр энергияси, бензин ва дизель ишлаб чиқариш ҳажми ҳам ошган.
-IxHL_qkU.jpg)
Ўзбекистонда 2024 йилнинг биринчи ойида электр энергияси ишлаб чиқариш ҳажми 7,05 млрд кВт/соатни (+0,5 фоиз) ташкил этди. Бироқ бу декабрдаги кўрсаткичдан 3 фоизга кам (7,27 млрд кВт/соат).
Кўмир қазиб олиш 2023 йилнинг январига нисбатан 13,8 фоизга қисқарган, кўрсаткич 357,8 минг тоннани (-57,2 минг тонна) ташкил этди. Ўтган йилнинг декабрь ойи билан солиштирганда (456,7 минг тонна), пасайиш 98,9 минг тоннани ташкил қилади.
Нефть қазиб олиш 60,5 минг тоннагача (-6,3 фоиз ёки 4 минг тонна) камайди, бу 2022 йил февралидан буён энг паст кўрсаткич ҳисобланади. Ишлаб чиқариш кетма-кет олтинчи ой қисқармоқда.
2024 йилнинг илк ойи давомида 124,6 минг тонна автомобиль бензини ишлаб чиқарилди, бу 2023 йилнинг январига нисбатан 10,8 фоизга ёки 15 минг тоннага кам. Шу билан бирга, бу ўтган йилнинг июль ойидан бери максимал энг катта кўрсаткич (133,2 минг).
Дизель ёнилғисини ишлаб чиқариш 0,6 фоизга ёки 300 тоннага камайиб, 50,2 минг тоннани ташкил этди.
Изоҳ (0)