Европа Иттифоқи Apple’ни 500 млн евро жаримага тортади — Financial Times

Европа Иттифоқи АҚШнинг Apple корпорациясини рақобат тўғрисидаги қонунни бузганлиги учун жаримага тортмоқчи.

Технологик гигантга нисбатан жарима миқдори тахминан 500 миллион еврони (539 миллион доллар) ташкил этади, деб ёзади Reuters Financial Times нашрига таяниб.

Қайд этилишича, ўтган йили Еврокомиссия Apple’ни App Store қоидалари туфайли мусиқа стриминги бозоридаги рақобатни бузганликда айблаганди.

2022 йилда Нидерландия ҳукумати Apple’ни танишув иловалари ишлаб чиқарувчиларига App Store механизмларини четлаб ўтувчи муқобил тўлов усулларидан фойдаланишга тўсқинлик қилгани учун 5 миллион евро жаримага тортганди.

Аввалроқ Apple компанияси 2023 йил давомида Ўзбекистонда 12,9 миллиард сўм солиқ тўлагани хабар берилганди.