Warner Broc. Walt Disney, Lionsgate, Paramount ва Sony Pictures компаниялари Х (Twitter) ижтимоий тармоғига реклама жойлаштиришни тўхтатди. IBM ҳам шу каби қарор қабул қилган. Axios’нинг ёзишича, Apple ҳам реклама беришни тўхтатган. Бу каби қарор рекламаларнинг нацистлар ва антисемитистик постлар билан бирга чиқаётгани, шунингдек, ижтимоий тармоқ эгаси Илон Маскнинг яҳудийларга нисбатан сўзлари бўйича тергов фонида қабул қилинди.
Тhе Wоllywооd Reporter нашрининг ёзишича, Илон Маск олдинроқ Disney ва Apple’нинг платформанинг энг йирик реклама берувчиси деб атаган.
Меdia Matters for America нотижорий ташкилоти Х тармоғидаги вазиятга нисбатан ўз тергови натижаларини эълон қилган. Унда айтилишича, сервис Адольф Гитлер ҳақида ижобий гаплар айтилган постлани блокламайди, унинг иқтибослари эса илҳомлантирувчи сўзлар сифатида жойланади.
Бундан ташқари, шу каби постлар билан IBM, Apple, Oracle каби йирик корпорацияларнинг рекламалари ҳам пайдо бўлиб қолиши мумкин. IBM шундан сўнг “мутлақо йўл қўйиб бўлмайдиган вазият тагига етмагунча” реклама жойлаштирмаслигини маълум қилди.
Илон Маскнинг ўзи ҳам олдинроқ айтган гаплари учун танқидга учраганди. У ўзининг ижтимоий тармоғида яҳудийлар жамияти оқ танлиларга нисбатан нафратни қўзғатмоқда деган фикрга қўшилганди.
Изоҳ (0)