Тошкентда 2023 йилда қасддан баданга оғир ва ўртача оғирликда жароҳат етказиш жинояти 2022 йилдагига нисбатан 293 тадан 308 тага, номусга тегиш жинояти 10 тадан 15 тага, гиёҳвандлик воситалари билан боғлиқ жиноятлар эса 1218 тадан 1309 тага, яъни 91 тага ортган. Бу ҳақда Жиноят ишлари бўйича Тошкент шаҳар судлари биносида бўлиб ўтган матбуот анжуманида маълум қилинди.
Аниқлаштирилишича, 2023 йилда қасддан одам ўлдириш билан боғлиқ жиноят 47 тадан 40 тага, босқинчилик билан боғлиқ жиноят 125 тадан 111 тага, талончилик 451 тадан 253 тага, ўзлаштириш ёки растрата йўли билан талон-торож қилиш 523 тадан 481 тага, ўғрилик 1529 тадан 1288 тага, пора олиш, бериш, воситачилик қилиш жинояти эса 251 тадан 216 тага, ҳаракат хавфсизлиги қоидаларини бузиш 357 тадан 314 тага, транспорт воситаларини олиб қочиш 75 тадан 63 тага, безорилик 506 тадан 437 тага камайган.
Жиноят ишлари бўйича Тошкент шаҳар судлари томонидан 2023 йил давомида 11 минг 156 нафар шахсга нисбатан 9231 та жиноят иши кўриб чиқилган.
Изоҳ (0)