Буюк Британиядаги мактабларнинг раҳбарияти ўқув муассасаларида интизомни ошириш мақсадида мактабларда уяли алоқа телефонларидан фойдаланишни, жумладан, ўқувчиларнинг рюкзакларини тинтув қилишга рухсат бериш орқали тўлиқ тақиқлашни жорий қилмоқда. Бу ҳақда Times хабар берди.
Қайд этилишича, тақиқни бузган ўқувчилар дарсдан кейин олиб қолинади, уларнинг телефонлари эса директор лозим кўрган маълум бир муддатга қадар мусодара қилинади. Янги қоидалар, шунингдек, ўқитувчиларга рюкзакларни тинтув қилиш ҳуқуқини беради ва мусодара қилинган қурилмаларнинг йўқолгани ёки шикастлангани учун ота-оналар томонидан судга даъво қилишдан қонуний ҳимоя қилади.
Маълумотларга кўра, мактабларга мазкур ҳужжатга риоя қилишни таъминлаш мақсадида тўртта турлича ёндашувлар тавсия этилган. Энг “оддий” вариант бу — мактаб ҳудудида телефондан фойдаланишни бутунлай тақиқлаш, шу билан бирга, ўқувчиларга уларни уйда қолдиришлари таклиф этилади. Иккинчи ва учинчи вариантлар машғулот вақтида телефонларни ходимларга топшириш ёки махсус жавонларда қолдириш ҳисобланади. Тўртинчи ёндашув “фойдаланмаслик, кўрмаслик ва эшитмаслик шарти билан” телефонларни ўзида қолдиришга рухсат беради.
Изоҳ (1)
Англия кайси давлат