Россия армияси Украинанинг 33 та дронини уриб туширди — Мудофаа вазирлиги

17 февраль куни Россия ҳаво ҳужумидан мудофаа тизимлари мамлакатнинг Белгород, Воронеж, Курск, Брянск ва Калуга вилоятларида 33 та Украина учувчисиз қурилмаларини тутиб олди ва йўқ қилди. Бу ҳақда “ТАСС” нашри Россия Мудофаа вазирлиги баёнотига асосланиб хабар берди.

Бугун тунда Киев режимининг Россия ҳудудидаги объектларда 33 та самолёт типидаги учувчисиз учоқлардан фойдаланган ҳолда теракт уюштиришга уринишининг олди олинди. Навбатчи ҳаво ҳужумига қарши мудофаа тизимлари Белгород вилояти осмонида 4 та, Воронеж вилоятида 4 та, Курск вилоятида 1 та, Брянскда 18 та ҳамда Калуга ҳудудида 6 та дронни уриб туширган, — дейилади хабарда.

Мудофаа вазирлиги янги ҳужумлар бўлиши эҳтимолини истисно этмаган ҳолда, жойларда тайёргарлик даражасини оширишни буюрган.