17 февраль куни Исроил ҳаво ҳужумлари оқибатида ҳалок бўлган Бирлашган Миллатлар Ташкилотининг фаластинлик қочқинлар бўйича агентлик ходимлари сони 158 нафарга етди. Бу ҳақда Anadolu нашри хабар берди.
Хабарда айтилишича, ҳалок бўлганлар жанговар ҳаракатларга бевосита алоқадор бўлмаган. Ходимларнинг кўпчилиги маҳаллий ғазоликлардан иборат бўлган.
БМТ вакилларининг ўлими билан боғлиқ сўнгги ҳолатлар асосан Рафаҳ ҳудудида рўй бермоқда. Ҳозирда Рафаҳда 1,5 миллионга яқин фаластинлик жон сақламоқда. Бу 7 октябргача бўлган аҳоли сонидан олти баробар кўп. БМТ агентлигининг саъй-ҳаракатларига қарамай, Ғазога олиб кирилаётган гуманитар ёрдам юк машиналарининг сони кунига 500 та дан ошмаяпти.
Бирлашган Миллатлар Ташкилоти маълумотларига кўра, Исроил Ғазога қарши урушда озиқ-овқат, тоза сув ва дори-дармонлар таъминотини узиб қўйиш орқали ҳудуд аҳолисининг 85 фоизини мажбурий дислокация қилган. Анклав инфратузилмасининг 60 фоизи шикастланган ёки тўлиқ вайрон бўлган.
БМТ гуманитар ходимлар ўлими билан боғлиқ статистика ташвишли эканини билдирган. Исроил маъмурияти эса агентлик ходимлари ҳалок бўлиши билан боғлиқ ҳаракатларга алоқадорликни рад этган.
Изоҳ (0)