Германия канцлери Олаф Шольц немис қўшинлари Украинадаги жанговар ҳаракатларда иштирок этмаслигини айтди. Шу билан бирга, у Киевга мудофаа салоҳиятини кучайтиришга ваъда берди.
Бу урушда Украинада немис аскарлари бўлмаслиги аниқ. Келишув Германия урушга қўшилади дегани эмас, — деди Шольц.
Канцлернинг айтишича, Берлин ҳарбий ёрдам беради: қурол жўнатади, украиналик аскарларни ўқитади, Украина мудофаа саноатини модернизация қилишда кўмаклашади.
Олаф Шольц бир кун аввал Германия Украинага 1,1 миллиард евролик янги ҳарбий ёрдам пакети ажратишини, бу пакет 36 ғилдиракли гаубица, 120 минг артиллерия снарядлари, иккита янги ҳаво ҳужумига қарши мудофаа тизими, иккита IRIS-Т зенит ракета тизимларини ўз ичига олишини айтди.
Изоҳ (0)