Сунъий интеллект ёрдамида Ўзбекистонда қайси касблар жуда тез ривожланаётгани ҳақида маълумот тўпладик. Қуйида мазкур касблар рўйхати тақдим этилади.
Ўзбекистонда йил сайин кўплаб соҳаларга ўзгаришлар, янгиланишлар кириб келмоқда. Турли омиллар сабаб айрим касблар жуда тез ривожланмоқда. Сунъий интеллектга кўра, қуйидаги касблар мамлакатда энг тез ривожланмоқда:
- IT ва дастурий таъминот ишлаб чиқариш: Жаҳон бўйлаб ахборот технологиялари соҳаси жуда тез ўсаётган соҳалардан бири бўлиб, Ўзбекистон ҳам бундан мустасно эмас. Давлат томонидан IT соҳасига киритилаётган солиқ имтиёзлари, стартаплар ва IT парклар учун яратилаётган қулай муҳит, шунингдек, ёшлар орасида бу соҳага бўлган қизиқишнинг ортиши, соҳани жадал ўсишга олиб келаётган асосий сабаблардан ҳисобланади.
- Қурилиш: Уй-жой қурилиши ва инфратузилма ишлари мамлакатнинг жадал урбанизацияси сабабли ўсмоқда. Аҳоли сонининг ўсиши ва шаҳарлаштириш, шунингдек, давлат томонидан инфратузилма лойиҳаларига киритилаётган инвестициялар қурилиш соҳасининг кенгайишига ҳисса қўшмоқда.
- Соғлиқни сақлаш: Соғлиқни сақлаш тизимини модернизациялаш ва халқаро стандартларга мувофиқлаштиришга қаратилган дастурлар соҳани ривожланишига туртки бермоқда. Замонавий тиббий асбоб-ускуналар ва технологияларнинг жорий этилиши ҳамда халқаро ҳамкорлик тиббий хизматлар сифатини оширишга хизмат қилмоқда.
- Таълим: Давлатнинг таълим соҳасига бўлган эътибори ҳамда халқаро университетлар билан ҳамкорлик натижасида таълим соҳасида ҳам ўсиш кузатилмоқда. Бу эса ўз навбатида таълим соҳасидаги мутахассисларга бўлган талабни оширади.
- Банк ва Молия: Ўзбекистонда финанс сектори, хусусан банк ишлари ҳам тез суръатлар билан ривожланмоқда. Мамлакатда капитал бозорларни ривожлантириш ва инвестиция муҳитини яхшилашга оид ислоҳотлар банк ва молия соҳасини янада рағбатлантирмоқда.
Бу касблар нафақат маҳаллий иқтисодий ривожланиш, балки жаҳон иқтисодиётидаги ўзгаришлар ва технологик янгиланишлар сабабли ҳам кенг ривожланмоқда. Қайд этиш керакки, ҳар бир соҳа ўзига хос шарт-шароитлар асосида ривожланади ва бу шарт-шароитлар тез-тез ўзгариб туради.
Ўзбекистонда энг кам ойлик олаётган соҳа ходимлари кимлар?
Ўзбекистонда 2023 йилда ўртача ойлик иш ҳақи 4 миллион 551 минг сўмни ташкил этди. Бироқ айрим соҳаларда тўланадиган ўртача ойлик иш ҳақи миқдори мазкур қийматга етмайди.
Мамлакатда ўтган йили ойлиги умумий ҳисобдаги ўртача миқдорга етмаган энг паст даромад олувчилар таълим ва соғлиқни сақлаш соҳалари вакиллари бўлган. Хусусан, ойлик миқдори доимий қуйи поғоналарни банд этаётган таълим соҳасида ўртача иш ҳақи 3,1 миллион сўмни ташкил этган. Соғлиқни сақлашда эса 3 миллион сўм бўлган. Бу миқдор номинал ҳисобланган бўлиб, солиқ ва бошқа тўловларни ўз ичига олган даромадлардир.
Таълим
Статистика агентлиги таълим соҳасининг асосий тармоқлари бўйича ўртача ойлик иш ҳақини ҳисоблаб чиқди. Маълум бўлишича, 2023 йилда соҳа бўйича энг юқори ўртача ойлик иш ҳақи олий таълимда тўланган — 7,4 миллион сўм. Энг паст кўрсаткич эса мактабгача таълимда кузатилган —1,7 миллион сўм.
Таълим соҳаси бўйича ўртача ойлик иш ҳақининг энг юқори кўрсаткичи Тошкент шаҳрида қайд этилган — 5 миллион сўм. Шу билан бирга, Тошкент (3 миллион сўм) ҳамда Навоий вилоятларида (3 миллион сўм) бошқа ҳудудларга нисбатан юқорироқ маош тўланган.
Энг паст иш ҳақи Қашқадарё (2,6 миллион сўм) ва Фарғона (2,8 миллион сўм) вилоятларида тўланган. Шунингдек, Қорақалпоғистонда, Сурхондарё, Бухоро, Жиззах, Самарқанд ҳамда Хоразм вилоятларида ўртача ойлик иш ҳақи 3 миллион сўмга ҳам етмаган.
Умуман олганда, таълим соҳасидаги ўртача ойлик иш ҳақи 2022 йилда 2,6 миллион сўмни ташкил этган.
Соғлиқни сақлаш
Соғлиқни сақлаш соҳасининг фаолият тури бўйича ўртача ойлик иш ҳақининг энг юқори кўрсаткичи Тошкент шаҳрида кузатилган — 3,7 миллион сўм. Шу билан бирга, Қорақалпоғистонда (3,3 миллион сўм) ҳамда Хоразм вилоятида (3,2 миллион сўм) нисбатан юқорироқ кўрсаткич қайд этилган.
Энг паст ойлик маош кўрсаткичлари Қашқадарё, Наманган ва Сурхондарё вилоятларида кузатилган бўлса, у ердаги соғлиқни сақлаш ходимларининг ўртача ойлик иш ҳақи 3 миллион сўмдан кам бўлган.
Эслатиб ўтамиз, 2022 йилда соғлиқни сақлаш соҳасидаги ўртача ойлик маош 2,6 миллион сўмни ташкил этганди.
Аввалроқ ўртача ойлик иш ҳақининг энг баланд кўрсаткичи молия ва суғурта соҳасида (13,3 миллион сўм) қайд этилгани хабар қилинганди.
Изоҳ (0)