Ташқи меҳнат миграцияси Германияда хизмат кўрсатиш соҳасида ишлаш истагида бўлган фуқаролар учун эълон берди.
Унга кўра, Ташқи меҳнат миграцияси агентлиги ҳамда Германия иш берувчи ташкилоти орқали Германиянинг Франкфурт Майн ва Мюнхен аэропортларида хизмат кўрсатиш соҳасида ишлаш истагида бўлган фуқаролар ишга таклиф этилади. Номзодлар учун талаблар: немис тилини камида B1 даражада билиш (Geothe, ECL, ÖsD сертификатлари ёки бакалавр дипломи талаб қилинади), 18-42 ёш бўлиш. Шунингдек, қуйидаги соҳалардан бирида диплом:
- туризм менежменти;
- меҳмонхона иши;
- озиқ-овқат технологиялари;
- халқаро туризм;
- менежмент;
- иқтисодчи;
- бизнесни бошқариш;
- немис тили;
- инглиз тили;
- француз тили.
Лойиҳанинг афзалликлари:
- Ойлик маош 1800 евро (солиқлар ушлангандан кейин)дан бошланади ва меҳнат шароитлари Германия фуқаролари билан бир хил (1 йилда 1 ой меҳнат таътил);
- Бир томонлама авиачипта ва аэропортдан манзилгача трансфер;
Мурожаат учун: +998 71-202-33-55, (1282 қисқа рақами).
Сўнгги ой давомида қатор давлатлар ўзбекистонликлар учун турли соҳаларда вакансиялар тақдим этмоқда. Эндиликда ўзбекистонлик мигрантлар учун анъанага айланган Россия ўрнини кўплаб етакчи мамлакатлар эгалламоқда. Эълонлар Ташқи меҳнат миграцияси агентлиги томонидан тақдим қилинмоқда.
Хусусан, Германияда ўзбекистонликлар учун 50 минг бўш иш ўрни таклиф қилинмоқда. Хорижий иш берувчилар билан ҳамкорликда Германияда қуйидаги соҳа ва касбларда бўш ўринлари учун фуқаролар таклиф этилмоқда:
- ҳамшира;
- юк автомобили ҳайдовчиси;
- юк ва қишлоқ хўжалиги автомобилларига техник хизмат кўрсатиш;
- меҳмонхона;
- ресторан;
- туризм;
- ҳунармандчилик;
- мехатроника;
- қурилиш ва бошқа соҳалар.
Ойлик маоши:
- Ausbildung асосида ишга жалб қилиш — 1000 евродан;
- тўғридан тўғри ишга жалб қилиш — 2000 евродан бошланади.
Германияда ушбу соҳаларда ишлаш истагидаги номзодлар учун республика ҳудудларида немис тили курсларини ташкил этиш имконияти мавжуд.
Шунингдек, илк бор Кореяга 2024 йилда ишга юбориш учун 100 минг нафар ўзбекистонлик танловларга жалб қилинади. Корея E-9 визаси асосида қуйидаги соҳаларда хорижда ишлаш истагида бўлган Ўзбекистон фуқаролари танловларга жалб қилинади:
Изоҳ (0)