2020 йилда Навальнийни даволаган анестезиолог-реаниматолог Александр Полупанов тромб ёрилиши ташхисини фақат мурдани ёриб кўргандан сўнг қўйиш мумкинлигини айтиб ўтди.
Аввалроқ Russia Today нашри Алексей Навальний тромб ёрилиши оқибатида вафот этган бўлиши мумкинлиги ҳақида хабар берган эди.
“Оммавий ахборот воситаларида ёзилаётган ва Жазони ижро этиш Федерал хизмати томонидан эълон қилинган хабарда Алексей Навальний тромб ёрилишидан вафот этгани айтилмоқда. Аммо буни ҳозирча тасдиқлаб бўлмайди, чунки бу касалликни аниқлаш учун аввал мурдани ёриб кўриш керак”, — деди Полупанов.
Аввалроқ Россия президенти матбуот котиби Дмитрий Песков Жазони ижро этиш федерал хизмати Алексей Навальнийнинг ўлими юзасидан тергов олиб бораётганини, шифокорлар ҳодиса сабабларини аниқлаши кераклигини айтганди.
“Содир бўлган воқеа сабаблари ҳақида Кремлда маълумот йўқ”, — дея таъкидлади у.
Изоҳ (0)