Toshkent shahri, Uchtepa tumanida elektr energiyasiga noqonuniy tarzda ulanib, 1,5 mlrd so‘mlik zarar yetkazgan mayning ferma aniqlandi. Bu haqda Bosh prokuratura matbuot xizmati xabar berdi.
Taʼkidlanishicha, yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda.
Toshkent shahri, Uchtepa tumanida yashovchi fuqaro J.M. tijorat maqsadida mayning ferma tashkil qilib, noqonuniy daromad orttirishni ko‘zlab, elektr tarmog‘iga to‘g‘ridan to‘g‘ri o‘zboshimchalik bilan ulanib, noqonuniy ravishda jami 1,5 mlrd so‘mlik elektr energiyasini o‘g‘irlagani aniqlangan.
Izoh (0)