Ўзбекистонликлар Литвага уч мингга яқин бўш иш ўрнига таклиф этилмоқда. Ойлик 700 евродан бошланади

Ўзбекистонликлар Литвага уч минга яқин бўш иш ўрнига таклиф этилмоқда. Бу ҳақда Ташқи меҳнат миграцияси агентлиги матбуот хизмати хабар берди.

Иш тури — пайвандчи, омборхонада юк ортувчи, тикувчи, юк автомобили ҳайдовчиси, омборхона ишчиси ҳамда қурувчи.

Номзодлар 21−55 ёш оралиғида бўлиши ҳамда рус тилида эркин мулоқот қилиши керак. Шунингдек, қуйидаги талаблар ҳам мавжуд:

• пайвандчилик сертификати;
• ишлаб чиқариш чизмаларини тушуниш ва ишлаш;
• қурилиш объектларида ишлаш;
• логистик омборхонада буюртма қабул қилиш;
• юк ортиш (автокара) тажрибаси;
• аёллар кийимини тикиш;
• тикувчилик соҳасида 1 йиллик тажриба;
• судланмаган;
• хорижга чиқиш тақиқланмаган;
• жисмонан ва руҳан соғлом;
• зарарли одатлардан ҳоли.

Иш ҳақи 700 евродан 1600 гача бўлиб, ётоқхона ва транспорт харажатлари иш берувчи ҳисобидан қоплаб берилади.

Бўш иш ўрниларига рўйхатдан ўтиш:

• пайвандчилик учун рўйхатдан ўтиш номзодлар 100 нафарга етса;
• омборхона ишчиси ва юк ортиш (автокара) учун рўйхатдан ўтиш номзодлар 600 нафарга етса;
• тикувчилик учун рўйхатдан ўтиш номзодлар 100 нафарга етса;
• юк автомобили ҳайдовчилиги учун рўйхатдан ўтиш номзодлар 5000 нафарга етса;
• қурувчилик учун рўйхатдан ўтиш номзодлар 600 нафарга етса тўхтатилади.

Фуқаро ҳисобидан агентлик хизмати, ўқитиш ва кўниктириш учун БҲМнинг 10 баравари (3,4 миллион сўм) ҳамда виза тўлови тўланади.