O‘zbekistonliklar Litvaga uch minga yaqin bo‘sh ish o‘rniga taklif etilmoqda. Bu haqda Tashqi mehnat migratsiyasi agentligi matbuot xizmati xabar berdi.
Ish turi — payvandchi, omborxonada yuk ortuvchi, tikuvchi, yuk avtomobili haydovchisi, omborxona ishchisi hamda quruvchi.
Nomzodlar 21−55 yosh oralig‘ida bo‘lishi hamda rus tilida erkin muloqot qilishi kerak. Shuningdek, quyidagi talablar ham mavjud:
- payvandchilik sertifikati;
- ishlab chiqarish chizmalarini tushunish va ishlash;
- qurilish obyektlarida ishlash;
- logistik omborxonada buyurtma qabul qilish;
- yuk ortish (avtokara) tajribasi;
- ayollar kiyimini tikish;
- tikuvchilik sohasida 1 yillik tajriba;
- sudlanmagan;
- xorijga chiqish taqiqlanmagan;
- jismonan va ruhan sog‘lom;
- zararli odatlardan holi.
Ish haqi 700 yevrodan 1600 gacha bo‘lib, yotoqxona va transport xarajatlari ish beruvchi hisobidan qoplab beriladi.
Bo‘sh ish o‘rnilariga ro‘yxatdan o‘tish:
- payvandchilik uchun ro‘yxatdan o‘tish nomzodlar 100 nafarga yetsa;
- omborxona ishchisi va yuk ortish (avtokara) uchun ro‘yxatdan o‘tish nomzodlar 600 nafarga yetsa;
- tikuvchilik uchun ro‘yxatdan o‘tish nomzodlar 100 nafarga yetsa;
- yuk avtomobili haydovchiligi uchun ro‘yxatdan o‘tish nomzodlar 5000 nafarga yetsa;
- quruvchilik uchun ro‘yxatdan o‘tish nomzodlar 600 nafarga yetsa to‘xtatiladi.
Fuqaro hisobidan agentlik xizmati, o‘qitish va ko‘niktirish uchun BHMning 10 baravari (3,4 million so‘m) hamda viza to‘lovi to‘lanadi.
Izoh (0)