Фарғона вилояти Ёзёвон туманида наша гиёҳвандлик моддасини сақлаб келаётган шахс аниқланди, деб хабар беради вилояти ИИБ ахборот хизмати.
Маълум қилинишича, 9 февраль куни туман ИИБ ҳамда ДХХ ходимлари томонидан тезкор тадбир ўтказилган. Тадбир давомида “Беруний” МФЙда яшовчи, 46 ёшли А.Х. яшаш хонадонининг омборхонасида жами 7 килограмм 170 грамм миқдорида наша гиёҳвандлик моддасини сақлаб келаётгани аниқланиб, тегишли тартибда ҳужжатлар расмийлаштирилди.
Мазкур ҳолат юзасидан терговга қадар текширув ҳаракатлари олиб борилмоқда.
Аввалроқ Фарғонада 17 ёшли бола яшаётган уйдан 30 килодан ортиқ наркотик моддалар топилгани тўғрисида хабар берилганди. Шунингдек, Самарқандда фуқаронинг уйидан салкам 32 кило марихуана топилган эди.
Изоҳ (0)