Тошкент шаҳрида фуқароларга коттеж қуриб беришни ваъда қилган фирибгарлар қўлга олинди, деб хабар бермоқда Иқтисодий жиноятларга қарши курашиш департаменти ахборот хизмати.
Унга кўра, ҳолат Бош прокуратура ҳузуридаги департаментнинг Тошкент шаҳар бошқармаси томонидан ўтказилган терговга қадар текширувда аниқланган. Муқаддам фирибгарлик жинояти учун судланган Ф.М. ва бошқалар “Ар.” ҳамда “В.C.” МЧЖни ташкил қилган. Улар 4 нафар фуқаронинг ишончига кириб, Сергели, Юнусобод, Яшнобод ва Олмазор туманларида ер майдонларини гўёки ушбу МЧЖларга тегишли эканини айтиб, мазкур ер майдонларига 1,2 ва 2 сотихли коттеж қуриб бериши ҳақида ёлғон ваъдалар берган.
Уларнинг ҳар биридан бошланғич тўлов сифатида 125 миллион сўмдан жами 500 миллион сўмини фирибгарлик йўли билан қўлга киритиб, ўзларининг шахсий эҳтиёжларига сарфлаб юборганликлари, шунингдек фуқаро Ф.М. ушбу пулларни ўзи ва бошқаларнинг номидан хорижий валюта биржаси билан шуғулланувчи компаниянинг ҳисоб-рақамига ўтказиб берганлиги аниқланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)