Россия қўшинлари Харьков вилоятининг Купянск шаҳрини 2024 йилнинг мартигача, Россияда президентлик сайловлари бўлиб ўтгунга қадар эгаллаб олишни режалаштирмоқда. Бу ҳақда Forbes хабар берди.
Хабарга кўра, бу йўналишда Россиянинг 500 та танки, 600 дан ортиқ жанговар техникаси, юзлаб гаубица ва 40 минг аскари жамланган.
“Харьков вилоятининг бир қисми рус армияси томонидан сайловлар давомида Россия президенти Владимир Путинга совға бўлган бўлар эди”, — дейилади хабарда.
Ўз навбатида, Украина Купянск яқинида 10 га яқин бригадани тўплаган, бу 20 мингга яқин аскар ва юзлаб танклар, жанговар машиналар ва гаубицаларни ташкил қилади. Бироқ Украина АҚШнинг тизимли ҳарбий ёрдами тўхтатилганидан кейин бошдан кечираётган ўқ-дорилар билан боғлиқ муаммо сақланиб қолмоқда, деб ёзади Forbes.
Шу тариқа, Россиянинг ўт очиш бўйича устунлиги унга Украинанинг ҳарбий техникасидан қўрқмасдан артиллерияни жамлаш имконини беради. Frontelligence Insight таҳлилчиларига кўра, бу русларга аҳоли пунктларини ҳимоясиз қолдириш учун уларни вайрон қилиш имконини беради. Уларнинг таъкидлашича, шаҳарни бузиш аллақачон бошланган — Купянск атрофидаги вайроналар сунъий йўлдош тасвирлари билан тасдиқланган.
Россия Купянскни биринчи марта 2022 йил февраль ойида босиб олган эди. Шу йилнинг сентябрь ойида эса Украина армияси Харьков вилоятидаги қарши ҳужум пайтида шаҳарни озод қилган.
Изоҳ (0)