Украина Қуролли кучлари бош штаби бир сутка ичида Россия қўшинлари 810 кишини йўқотганини маълум қилди. Бу ҳақда BBC хабар берди.
“Таврия” тезкор-стратегик кучлар гуруҳи қўмондони Александр Тарнавский тегишли маълумот билан бўлишди. 3–4 февраль кунлари украиналик ҳарбийлар Россиянинг 170 та ҳар хил турдаги дронини зарарсизлантирди ёки йўқ қилди.
Россияликларнинг ушбу йўналишдаги умумий йўқотишлари дронларни ҳисобга олмаганда кунига 332 киши ва 24 та ҳарбий техникани ташкил этган.
“Украина Қуролли кучлари Россия армиясининг Авдеевкани эгаллашга уринишларини тийишда давом этмоқда”, — дейилади хабарда.
Умуман олганда, Россиянинг сўнгги 24 соат ичида йўқотишлари 810 кишини, 31 артиллерия тизимини ва 2 та танкни ташкил этган. 3 февраль куни 66 та тўқнашув бўлиб ўтган, руслар Украина Қуролли кучлари позициялари ва аҳоли пунктларига 2 та ракета, 65 та ҳаво зарбаси ва 53 та ракета тизимларидан зарба берган.
3 февраль куни Украина рус қўшинларининг 12 та нишонига ҳаво ҳужумларини амалга оширган. Украина ҳаво ҳужумидан мудофаа кучлари ва воситалари 1 та Х-59 зенит ракетасини, 10 та “Shahed-136/131” ҳужумчи дронлари, 3 та разведкачи дронларини йўқ қилган.
Изоҳ (0)