Россия президенти Владимир Путин Украинага қарши ҳудудий даъволарини кучайтирди. Бу ҳақда Америка урушни ўрганиш институти (ISW) таҳлилчилари маълум қилди.
Таҳлилчиларга кўра, Кремль раҳбари ҳозирги фронт чизиғини Украинага чуқурроқ киритиш рус кучлари учун мақсад эканини айтган. Путиннинг сўзларига кўра, Украинада “демилитаризация” зонаси яратилиши керак, шунда Россияга ва босиб олинган ҳудудларга ҳам артиллерия тизимлари ва узоқ масофали қуроллар етиб бора олмайди.
Таъкидланишича, мустақил Украина мавжуд экан, Путин айтган мақсадни амалга ошириб бўлмайди. Москва Россия армияси босиб олиниши мумкин бўлган Украина ҳудудларини аннексия қилишни давом эттиришни режалаштирмоқда.
Бундан ташқари, Путин Харьковни ҳам ўзининг “демилитаризацияланган” зонасига киритди.
“Путин Украина эътиборини Россия қуролли кучларининг Луганск вилоятидаги ҳужумидан чалғитиш ниятида. Бироқ Россиянинг Белгород вилоятидаги кучлари фақат тактик даражадаги ҳаракатларни амалга ошириши мумкин”, — дейилади хабарда.
Изоҳ (0)