АҚШ Яманда жойлашган 10 та дронга зарба берди, деб ёзмоқда CBS Неwс журналисти Нораҳ O’Доннелл Баҳрайн Мудофаа вазирлигидаги манбага таяниб. Унинг сўзларига кўра, дронлар учишга тайёрланаётган бўлган.
Нора O’Доннеллнинг Х (собиқ Twitter)даги постига кўра, зарба F-18 қирувчи самолётлари томонидан йўлланган.
Аввалроқ CNN манбаларга таяниб, АҚШнинг USS Gravely эсминеци Қизил денгизда яманлик ҳусийлар ракетасини бир мил масофада уриб туширганини хабар қилганди. Материалда айтилишича, бу ҳусийларнинг Америка кемасига энг яқин келган ҳужуми бўлиб, аввал ҳусий ракеталари 7-8 миля масофадан уриб туширилган.
Изоҳ (0)