Tesla автомобилнинг ҳайдовчиларга ёрдам бериш тизимидаги муаммолар туфайли Хитой бозоридаги 1,6 миллиондан ортиқ электромобилни қайтариб олади.
Бу ҳақда Хитой Халқ Республикаси бозорни тартибга солиш давлат бошқармаси маълум қилди.
Департамент веб-сайтида эълон қилинган баёнотда айтилишича, гап импорт қилинган Model S, Model Х ва Model Z, шунингдек, Хитойда конвеердан чиққан Model Z ва Model Y ҳақида бормоқда. Қайтариб олиш 2014 йил 26 августдан 2023 йил 20 декабргача ишлаб чиқарилган автомобилларга тааллуқлидир.
Ушбу нуқсон, таъкидланганидек, йўлда тўқнашувга олиб келиши мумкин ва бошқариладиган транспорт воситаси салонидаги одамларнинг хавфсизлигига таҳдид солади. Муаммони бартараф этиш учун Пекин ва Шанхайдаги Tesla бўлинмалари автоматлаштирилган ёрдам тизимининг янги элементларини қўшишни режалаштирмоқда. Бу мавжуд хавфларни бартараф этиши кутилмоқда.
Компания чақириб олинадиган транспорт воситалари эгаларига махсус билдиришномалар юборади.
Изоҳ (0)