Шамоллаш, бурун битиши, йўтал, ОРВИ кутилмаган вақтда келиши табиий. Лекин қаерда бўлишдан қатъи назар даволанишни кечиктирмасдан бошлаш керак.
Эрталаб:
- тонгни томоқ қизариши ва бурун битиши билан қарши олсангиз, томоғингизни махсус воситалар билан чайинг;
- овқатланишдан ярим соат олдин прополис эритмаси ва сув қабул қилинг (5 ош қошиқ сув учун 1 ош қошиқ прополис эритмаси);
- бурунингизни тузли эритма билан чайинг;
- нонушта учун лимонли чой ва бир ош қошиқ наъматак сиропини ичинг;
- стероид бўлмаган яллиғланишга қарши дорилар ёрдам беради. Уйдан чиқишдан олдин бурунга томизинг;
Шамоллаш пайтида истеъмол қилиниши тавсия этиладиган озиқ-овқат маҳсулотлари:
- сабзи, каротинга бўлган эҳтиёжни тўлдириш учун исмалоқ, булғор қалампири ва хурмо;
- гўшт, мол жигари, камамбер пишлоғи ва балиқ ёғи. Бу маҳсулотлар танани омега-3 кислоталари ва А витамини билан таъминлайди;
- қора смородина, киви, апельсин, тузланган карам ва наъматак. Йўқотилган C витамини билан тўлдиради;
- денгиз маҳсулотлари ёки ундирилган буғдой, мол жигари синк миқдорининг нормаллашишига ёрдам беради.
Кундуз куни
Агар безовталик иш кунида бошланса, кечгача кутманг, зудлик билан даво чораларини кўринг.
- аскорбин кислотаси ёрдам беради, лекин таблеткасини ичманг. Қонга тезроқ сингиши ва оч қоринга қабул қилинганда ҳам зарар келтирмаслиги учун кукунини ичган маъқул. 1 гр аскорбин кислотаси етарли бўлади;
- агар иш жойида томоқ чайишнинг иложи бўлмаса, махсус спрейлардан фойдаланиш лозим.
Кечки пайт
Мавжуд усуллар билан шамоллашдан қутулиш бир оз қийин. Бунда аспирин кукунидан фойдаланинг. Наъматак, қора смородина, чаканда (облепиха), асал ва лимонли шифобахш ичимликларни истеъмол қилинг.
Муҳим: иссиқ ванна қабул қилманг, шамоллаш учун фақат қуруқ иссиқлик керак. Намлик бактерияларнинг кўпайишига ёрдам беради, лекин оёқларингизни ванна қилишингиз мумкин. Икки ош қошиқ хантални иссиқ сувда эритиб, вақти-вақти билан эҳтиёткорлик билан иссиқ сув қўшиб, 15-20 дақиқа давомида ушлаб туринг.
Ётишдан олдин бир неча бўлак саримсоқ пиёз ва бир бош пиёзни майдалаб, тўшагингиз ёнига қўйинг.
Шамоллашни даволаш учун дорилар
Аскорбин кислотаси. Аскорбин кислотани кунига 2-4 гр (эрталаб ва тушликда 1-2 гр) 5 кун давомида истеъмол қилиш тикланишга ёрдам беради.
Бурун оқиши учун спрейлар. Таркибида денгиз суви ёки ёғлар бор препаратлардан фойдаланинг. Бурунни ювиш яллиғланишни камайтиради, бурун оқиши ва бурун нафасини яхшилайди. Ўсимлик препарат томчилари ўткир ринитга ёрдам беради. Бир ҳафтадан бир ойгача фойдаланиш мумкин.
Бугунги кунда тасдиқланган самарадорликка эга бўлган ягона антивирал шамоллашга қарши дори мавжуд эмас. Антитаначаларни ишлаб чиқариш ва вирусни танадан йўқ қилиш учун маълум вақт керак бўлади, шу сабабли унинг давомийлиги ҳам истеъмол қилинган қалампир, саримсоқ пиёз, лимон ва бошқа “мўжизавий маҳсулотларга” боғлиқ эмас. Шунинг учун “Шамоллашни дори-дармонлар билан 7 кунда, дори-дармонларсиз эса бир ҳафта давомида даволаш мумкин”, деган машҳур афоризм бугунги кунда ҳам актуал.
Шамоллашни самарали даволаш учун тананинг тез тикланишига қулай шароит яратиш керак. Бу қуйидагилардан иборат:
- етарлича уйқу;
- рационал (оқилона) овқатланиш;
- етарлича суюқлик ичиш;
- хонани тез-тез шамоллатиш;
- зарурат туғилганда симптоматик дориларни қўллаш.
Изоҳ (0)