Shamollash, burun bitishi, yo‘tal, ORVI kutilmagan vaqtda kelishi tabiiy. Lekin qayerda bo‘lishdan qatʼi nazar davolanishni kechiktirmasdan boshlash kerak.
Ertalab:
- tongni tomoq qizarishi va burun bitishi bilan qarshi olsangiz, tomog‘ingizni maxsus vositalar bilan chaying;
- ovqatlanishdan yarim soat oldin propolis eritmasi va suv qabul qiling (5 osh qoshiq suv uchun 1 osh qoshiq propolis eritmasi);
- buruningizni tuzli eritma bilan chaying;
- nonushta uchun limonli choy va bir osh qoshiq naʼmatak siropini iching;
- steroid bo‘lmagan yallig‘lanishga qarshi dorilar yordam beradi. Uydan chiqishdan oldin burunga tomizing;
Shamollash paytida isteʼmol qilinishi tavsiya etiladigan oziq-ovqat mahsulotlari:
- sabzi, karotinga bo‘lgan ehtiyojni to‘ldirish uchun ismaloq, bulg‘or qalampiri va xurmo;
- go‘sht, mol jigari, kamamber pishlog‘i va baliq yog‘i. Bu mahsulotlar tanani omega-3 kislotalari va A vitamini bilan ta’minlaydi;
- qora smorodina, kivi, apelsin, tuzlangan karam va naʼmatak. Yo‘qotilgan C vitamini bilan to‘ldiradi;
- dengiz mahsulotlari yoki undirilgan bug‘doy, mol jigari sink miqdorining normallashishiga yordam beradi.
Kunduz kuni
Agar bezovtalik ish kunida boshlansa, kechgacha kutmang, zudlik bilan davo choralarini ko‘ring.
- askorbin kislotasi yordam beradi, lekin tabletkasini ichmang. Qonga tezroq singishi va och qoringa qabul qilinganda ham zarar keltirmasligi uchun kukunini ichgan maʼqul. 1 gr askorbin kislotasi yetarli bo‘ladi;
- agar ish joyida tomoq chayishning iloji bo‘lmasa, maxsus spreylardan foydalanish lozim.
Kechki payt
Mavjud usullar bilan shamollashdan qutulish biroz qiyin. Bunda aspirin kukunidan foydalaning. Naʼmatak, qora smorodina, chakanda (oblepixa), asal va limonli shifobaxsh ichimliklarni isteʼmol qiling.
Muhim: issiq vanna qabul qilmang, shamollash uchun faqat quruq issiqlik kerak. Namlik bakteriyalarning ko‘payishiga yordam beradi, lekin oyoqlaringizni vanna qilishingiz mumkin. Ikki osh qoshiq xantalni issiq suvda eritib, vaqti-vaqti bilan ehtiyotkorlik bilan issiq suv qo‘shib, 15-20 daqiqa davomida ushlab turing.
Yotishdan oldin bir necha bo‘lak sarimsoq piyoz va bir bosh piyozni maydalab, to‘shagingiz yoniga qo‘ying.
Shamollashni davolash uchun dorilar
Askorbin kislotasi. Askorbin kislotani kuniga 2-4 gr (ertalab va tushlikda 1-2 gr) 5 kun davomida isteʼmol qilish tiklanishga yordam beradi.
Burun oqishi uchun spreylar. Tarkibida dengiz suvi yoki yog‘lar bor preparatlardan foydalaning. Burunni yuvish yallig‘lanishni kamaytiradi, burun oqishi va burun nafasini yaxshilaydi. O‘simlik preparat tomchilari o‘tkir rinitga yordam beradi. Bir haftadan bir oygacha foydalanish mumkin.
Bugungi kunda tasdiqlangan samaradorlikka ega bo‘lgan yagona antiviral shamollashga qarshi dori mavjud emas. Antitanachalarni ishlab chiqarish va virusni tanadan yo‘q qilish uchun maʼlum vaqt kerak bo‘ladi, shu sababli uning davomiyligi ham isteʼmol qilingan qalampir, sarimsoq piyoz, limon va boshqa “mo‘jizaviy mahsulotlarga” bog‘liq emas. Shuning uchun “Shamollashni dori-darmonlar bilan 7 kunda, dori-darmonlarsiz esa bir hafta davomida davolash mumkin”, degan mashhur aforizm bugungi kunda ham aktual.
Shamollashni samarali davolash uchun tananing tez tiklanishiga qulay sharoit yaratish kerak. Bu quyidagilardan iborat:
- yetarlicha uyqu;
- ratsional (oqilona) ovqatlanish;
- yetarlicha suyuqlik ichish;
- xonani tez-tez shamollatish;
- zarurat tug‘ilganda simptomatik dorilarni qo‘llash.
Izoh (0)