“Тошшаҳартрансхизмат”автобуслар ҳаракат хавфсизлигини назорат қилувчи ходимларга махсус хизмат машиналари бириктирилганини эълон қилди.
Маълум қилинишича, йўловчиларга кўрсатилётган жамоат транспорти хизмати сифатини ошириш ҳамда автобус ҳайдовчиларининг белгиланган тартиб асосида фаолият юритишини назорат қилиш мақсадида, “Тошшаҳартрансхизмат”нинг 8 та автобус саройи филиалида “Ҳаракат хавфсизлигини назорат қилиш бўлими” ташкил этилган.
22 январь куни ҳаракат хавфсизлигини назорат қилувчи ходимларга ўз хизмат фаолиятини тезкор ва хавфсиз олиб бориши, автобуслар ҳаракатини назорат қилиши ҳамда жамоат транспорти ҳаракатига тўсқинлик қилувчи омилларни аниқлаб, уларни бартараф қилиш чораларини кўриш мақсадида, махсус майоқчали хизмат автомашиналари, нур қайтарувчи нимча, фавқулодда ҳолатни англатувчи белги ҳамда жезл (таёқча) топширилди.
Таъкидланишича, мазкур автомашинада хизмат кўрсатувчи ходимлар фақатгина автобуслар ҳаракатини назорат қилиши кўзда тутилган.
Изоҳ (0)