Голливуд актёри Марк Руффало бир неча йил аввал мия ўсимтаси билан курашгани ҳақида сўзлаб берди

Голливуд актёри Марк Руффало 2001 йилда мия ўсимтаси билан курашгани ҳақида айтиб берди. Бу ҳақда Korrespondent.net хабар бермоқда.

“SmartLess” подкастида айтиб беришича, “Менга ишонишинг мумкин” фильми муваффақиятидан сўнг, актёр миясида голф тўпидек ўсимта борлигини билган. Унинг сўзларига кўра, бир неча марта тунги безовталикдан сўнг компьютер томографиясига тушишга қарор қилган.

Ҳамшира шифокорни чақирди, мен уларнинг бошқа хонада гаплашаётганини эшитдим. У ўзида бўлмаган ҳолатда кириб келиб деди: “Чап қулоғингиз орқасида голф тўпидек катталикда масса бор, биз ҳозирча нима эканлиги билмаймиз. Биопсия қилганимиздан кейингина нима эканлигини айта оламиз” , — эслайди актёр.

У ташхис қўйилишидан олдин, азоб чекаётган ягона аломат қулоқ инфекцияси эди. Яхши ҳамки, ўсимта операция қилса бўладиган эди. 33 ёшли Руффало ўсимтани олиб ташлашлари учун жарроҳлик столига ётишга мажбур бўлади.

Бундан ташқари, ўша пайтда унинг рафиқаси Санрайз Койни биринчи фарзандини дунёга келтириш арафасида бўлган. Уни ташвишга солмаслик учун у чақалоқ туғилгунча рафиқасига касаллик ҳақида айтмаган.

Актёрнинг таъкидлашича, операция хавфи юзининг чап томонидаги нерв томирларини ўлдириш эҳтимоли 20 фоизни ва чап қулоғида эшитиш қобилиятини йўқотиш эҳтимоли 70 фоизни ташкил қилган. Натижада, операция актёр юзининг ярми фалаж бўлишига олиб келди. Кейинчалик у тузалди, лекин эшитиш қобилиятини йўқотди.

“Бир қулоғим бутунлай кар бўлиб қолди, наркоздан кейин уйғонганимда юзимнинг чап томони бутунлай фалаж бўлиб қолганди. Ҳатто кўзимни ҳам юмолмай қолгандим. Оғзимнинг бир томони билан гапирдим. Бир йилдан сўнг фалажлик ўтди, лекин эшитиш қобилиятим қайтмади, — дейди актёр.