Gollivud aktyori Mark Ruffalo bir necha yil avval miya o‘simtasi bilan kurashgani haqida so‘zlab berdi

Gollivud aktyori Mark Ruffalo 2001-yilda miya o‘simtasi bilan kurashgani haqida aytib berdi. Bu haqda Korrespondent.net xabar bermoqda.

“SmartLess” podkastida aytib berishicha, “Menga ishonishing mumkin” filmi muvaffaqiyatidan so‘ng, aktyor miyasida golf to‘pidek o‘simta borligini bilgan. Uning so‘zlariga ko‘ra, bir necha marta tungi bezovtalikdan so‘ng kompyuter tomografiyasiga tushishga qaror qilgan.

Hamshira shifokorni chaqirdi, men ularning boshqa xonada gaplashayotganini eshitdim. U o‘zida bo‘lmagan holatda kirib kelib dedi: “Chap qulog‘ingiz orqasida golf to‘pidek kattalikda massa bor, biz hozircha nima ekanligi bilmaymiz. Biopsiya qilganimizdan keyingina nima ekanligini ayta olamiz” , — eslaydi aktyor.

U tashxis qo‘yilishidan oldin, azob chekayotgan yagona alomat quloq infeksiyasi edi. Yaxshi hamki, o‘simta operatsiya qilsa bo‘ladigan edi. 33 yoshli Ruffalo o‘simtani olib tashlashlari uchun jarrohlik stoliga yotishga majbur bo‘ladi.

Bundan tashqari, o‘sha paytda uning rafiqasi Sanrayz Koyni birinchi farzandini dunyoga keltirish arafasida bo‘lgan. Uni tashvishga solmaslik uchun u chaqaloq tug‘ilguncha rafiqasiga kasallik haqida aytmagan.

Aktyorning taʼkidlashicha, operatsiya xavfi yuzining chap tomonidagi nerv tomirlarini o‘ldirish ehtimoli 20 foizni va chap qulog‘ida eshitish qobiliyatini yo‘qotish ehtimoli 70 foizni tashkil qilgan. Natijada, operatsiya aktyor yuzining yarmi falaj bo‘lishiga olib keldi. Keyinchalik u tuzaldi, lekin eshitish qobiliyatini yo‘qotdi.

“Bir qulog‘im butunlay kar bo‘lib qoldi, narkozdan keyin uyg‘onganimda yuzimning chap tomoni butunlay falaj bo‘lib qolgandi. Hatto ko‘zimni ham yumolmay qolgandim. Og‘zimning bir tomoni bilan gapirdim. Bir yildan so‘ng falajlik o‘tdi, lekin eshitish qobiliyatim qaytmadi, — deydi aktyor.