Ҳақиқий жентльменлар: Катта машҳурликка эришган бўлса-да, самимийлигича қолган актёрлар (фото)

Голливуднинг шундай актёрлари борки, оламшумул шон-шуҳрат ва бойликка эришган бўлса-да, бу нарса уларнинг камтарона яшашига ҳамда бошқаларга нисбатан самимий бўлиб қолишига тўсқинлик  қилмаган.

Kиaну Ривз

Kиaну Ривз катта кинодаги фаолиятини “Билл ва Теднинг ажойиб саргузаштлари” фильми билан бошлаган, шундан сўнг у “Тўлқинларни бўйсундириб”, “Тезлик”, “Иблис ҳимоячиси”, “Матрица”, “Константин: зулмат ҳукмдори” ва “Жон Уик” фильмларида рол ўйнаган. Бу фильмларнинг барчасини бутун дунё бўйлаб миллионлаб одамлар томоша қилган, аммо Kиaну бундан ҳеч қачон кибрланиб кетмаган. У бир неча ўнлаб километр йўл босиб, мушкул аҳволда қолган нотаниш одамни уйига олиб бориши мумкин, касалхоналарга пул хайрия қилади, у ҳеч қачон оддий одамларга паст назар билан қарамайди, метрода юради ва мухлислари билан доим дўстона муносабатда бўлади. Шон-шуҳрат ва бойлик Kиaнуни бузолмади, балки унга янада хайрли ишларни қилиш имкониятини берди.

Дэниел Рэдклифф

Дэниел Рэдклифф анча вақтгача Гарри Поттер ролининг “асири” бўлиб қолди, бироқ айнан шу роль Дэниелга хайрия ишлари билан шуғулланишга имкон берди. У кўчада қийин вазиятга тушиб қолган одамлар олдидан ҳам бефарқ ўтиб кетолмайди. Бир куни Дэниел Рэдклифф  Лондон кўчаларидан бирида талончилар пулларини ўғирлаб, ўзини ярадор қилган одамнинг олдига ўйлаб ҳам ўтирмай югуриб боради. Рэдклифф унга ёрдам беради ва шифокорлар келгунга қадар ёнида қолади.

Элайжа Вуд

Элайжа Вуд “Узуклар ҳукмдори” трилогиясидаги Фродо роли туфайли жаҳон миқёсида шуҳрат қозонган. Ушбу ролни ўйнагани учун у катта гонорар олади, аммо актёр бу унга заррача таъсир қилмаганини — энг қиммат хариди уйига олган аудиоқурилма бўлганини айтади. Қолган пулларни хайрия ишларига ва кўп вақтини бағишлашга ҳаракат қиладиган оиласига сарфлайди.

Райан Рейнольдс

Райан Рейнольдс иштирок этган ҳар бир комедия катта касса тушумларининг кафолатидир. Буни билган Райан ҳар тийин учун курашадиган такаббур актёрга айланиб қолмади. У фильмларидаги каби ҳаётда ҳам шундай — самимий ва оддий. У тез-тез севимли рафиқаси ва болалари ҳақида ҳам, Marvel фильмида бирга ўйнашни орзу қилган Хью Жекман ҳақида ҳам ҳазил қилади. Рейнолдс мухлислари билан доимо дўстона муносабатда, ҳеч ким актёрнинг муомаласидан ҳафсаласи пир бўлмаган.

Роберт Паттинсон

Роберт Паттинсон “Сумерки” фильмидан кейин ҳақиқий юлдузга айланди, аммо унинг фильмографиясида айнан мана шу франшиза унга ёқмайди. Аммо, маълум бўлишича, Роберт Паттинсон фақатгина образи Эдвардни ёқтирмайди, мухлисларини эса чин дилдан севади ва ҳурмат қилади — суҳбатлашишдан, дастхат қўйиб беришдан ёки селфи тушишдан бош тортмайди. Бундан ташқари, у анчадан бери хайрия ишлари билан шуғулланади ва бир миллион доллардан ортиқ хайрия ҳам қилган.

Хью Жекман

Хью Жекманни бутун фаолияти давомида “Бетакрор шоумен”, “Асирлар”, “Ван Хелзинг”, “Тирик пўлат” каби фильмларда, шунингдек, “Ғаройиб одамлар” ва “Логан” сериалларида ишлаган.

Хью Жекман ҳақида унинг ҳамкасблари, айниқса Патрик Стюарт ва Эдди Рэдмейн илиқ сўзларни айтиб, Хьюни жуда истеъдодли, хушмуомала ва меҳрибон одам деб аташган.