Бишкекнинг Первомайский туман суди аввалроқ Украинадаги урушда қатнашгани учун 10 йилга озодликдан маҳрум этилган қирғизистонлик Асқар Кубаничбек ўғли ишини кўриб чиқди. Бу ҳақда “АКИпресс” хабар берди.
Суд Кубаничбек ўғлини Қирғизистон Жиноят кодексининг 416-моддаси 1-қисмида назарда тутилган жиноятни содир этганликда айбдор деб топди. Суд айбланувчини 7 йилга озодликдан маҳрум қилди, бироқ уч йиллик синов назорати билан озод қилди.
Миллий хавфсизлик давлат қўмитаси Кубаничбек ўғлини 2023 йил январида ҳибсга олганди. Кейин ўша йилнинг май ойида пойтахтнинг Первомайский туман суди эркакни 10 йилга озодликдан маҳрум қилган. Тергов маълумотларига кўра, у Россия армияси билан шартнома тузган. Ўша йилнинг июнь ойида Бишкек шаҳар суди Первомайский судининг ҳукмини ўз кучида қолдирган.
Айбланувчига нисбатан қамоққа олиш тарзидаги танланган эҳтиёт чораси суд ҳукми қонуний кучга киргунга қадар мамлакатни тарк этмаслик тўғрисидаги ёзма мажбуриятга ўзгартирилди.
Аввалроқ Кубаничбек ўғли Россияга мурожаат қилиб, паспорт ва фуқаролик беришни сўраганди.
Изоҳ (0)