АҚШда Tesla роботи завод ходимига ҳужум қилди, деб ёзмоқда Daily Mail. Ҳодиса 2021 йилда Остин яқинидаги Гига Техас заводида содир бўлган. Аммо бу ҳақда энди, ўша йилги жароҳатлар ҳақидаги ҳисобот эълон қилинганидан кейин маълум бўлди.
Нашрнинг ёзишича, “машина ишчига ҳужум қилиш учун металл тирноқларидан фойдаланган”. Ҳужум оқибатида эркак орқаси ва қўлидан яраланган.
Шунингдек, материалда айтилишича, воқеага гувоҳ бўлган икки ишчи робот уларнинг ҳамкасбига қандай ҳужум қилганини кўриб, даҳшатга тушган. Қайд этилишича, робот янги қуйма алюминий автомобиль қисмларини ушлаш ва ҳаракатлантириш учун мўлжалланган эди.
Бундан ташқари, 2022 йил давомида Гига Техас штатининг 21 нафар ходимидан 1 нафари иш жойида жароҳат олгани ҳақида хабар қилинган.
Изоҳ (0)