Тошкент шаҳар ИИББ фирибгарлик жиноятини содир этишга гумонланган икки шахс қўлга олинганини маълум қилди.
Маълум қилинишича, Тергов бошқармаси томонидан Жиноят кодексининг 168-моддаси (“фирибгарлик”) билан тергов қилинаётган жиноят иши доирасида қуйидаги шахслар жиноят содир этганликда гумонланиб ушланган:
- 1968 йилда туғилган Исматилла Арипов;
- 1980 йилда туғилган Ўлмасжон Арипов.
Гумон қилинувчиларга нисбатан қамоққа олиш тарзидаги эҳтиёт чораси қўлланган. Тергов давом этмоқда.
“Ҳурматли фуқаролар агар сиз ушбу шахслардан ёки жиноий гуруҳ аъзоларидан жабр кўрган бўлсангиз ёки ушбу шахснинг жиноий хатти-ҳаракатлари бўйича маълумотларга эга бўлсангиз, Тошкент шаҳар ИИББнинг 71-206-45-69, 71-206-49-46 ёки 102 рақамларига ёхуд 99-370-73-94 телеграм рақамига мурожаат қилишингизни сўраймиз. Мурожаатчининг шахси сир сақланиши кафолатланади”, — дейилади идора хабарида.
Аввалроқ Тошкентда товламачиликда гумонланиб икки киши қамоққа олингани, яна бири қидирувда экани тўғрисида хабар берилганди.
Изоҳ (0)