Европа Иттифоқи ҲАМАС ҳаракатининг сиёсий раҳбари Яҳё Синварни террорчилар рўйхатига киритди. Бу ҳақда ЕИ баёнотида маълум қилинди.
“Бугун ЕИ кенгаши бир шахсни террорчилар рўйхатига киритишга қарор қилди. Бу қарор Европа Иттифоқининг ҲАМАС таҳдидига ва унинг 2023 йил 7 октябрда Исроилда содир этган шафқатсиз террорчилик ҳужумларига жавобидир.
Бу санкциялар бугундан кучга киради. Рўйхатда ҲАМАСнинг сиёсий етакчиларидан бири Яҳё Синвар бор. Рўйхатга киритилганидан сўнг, Яҳё Синварнинг Европа Иттифоқига аъзо давлатлардаги барча маблағлари ва активлари музлатиб қўйилади. Европа Иттифоқидаги операторларга ҳам Яҳё Синварни маблағ ва иқтисодий ресурслар билан таъминлаш тақиқланади”, — дейилади хабарда.
Изоҳ (0)