Ўзбекистонлик футболчи Элдор Шомуродов собиқ жамоаси “Женоа”га қайтиши мумкин.
“RomaPress” журналист Жанлука ди Марциога таяниб маълум қилишича, генуяликлар Элдорни ортга қайтариш вариантини кўриб чиқмоқда. Шомуродов жамоанинг асосий трансфер мақсадларидан бири бўлиб турибди.
Эслатиб ўтамиз, ҳозирда “Кальяри”да ижара асосида тўп сураётган Элдор жароҳати сабабли Осиё Кубогини ўтказиб юбормоқда.
Италиядаги фаолияти давомида “Женоа”, “Рома”, “Специя” ва “Кальяри” шарафини ҳимоя қилган Элдор жорий мавсум сардинияликлар сафида 13 та ўйинда майдонга тушиб, 2 та голли узатмага муаллифлик қилди.
Изоҳ (0)