Ўзбекистон терма жамоаси ҳужумчиси Элдор Шомуродов Осиё Кубогида иштирок эта олмайди.
Аввалроқ, Элдор “Кальяри” жамоасидаги машғулотлар вақтида жароҳат олгани ва февраль ойида майдонга қайтиши ҳақида хабар қилинганди.
Шомуродовнинг жароҳати қанчалик жиддийлиги юзасидан спорт шифокори, мутахассис Аброр Пирриев ўз фикрлари билан ўртоқлашди.
“Элдор Шомуродовнинг ҳали ҳам Осиё Кубогида иштирок эта олишидан умидвор мухлисларнинг кўплаб саволларига мутахассис ўлароқ жавоб тарзда умумлаштирилган қуйидаги фикрни айтишим мумкин:
Элдор Шомуродов Қатарда кечадиган Осиё Кубогидаги ўйинларда яшил майдонга туша олмайди! Агарда мураббийлар штаби жамоага далда бўлишини кўзлабгина уни таркибга киритишса, Элдор ушбу мусобақанинг эркин иштирокчисига айланиши мумкин холос”,— дейди Аброр Пирриев.
Эслатиб ўтамиз, Қатарда бўлиб ўтадиган Осиё Кубоги мусобақаси 12 январдан 10 февралга қадар давом этади. Ўзбекистон терма жамоаси Австралия, Ҳиндистон ва Сурия билан биргаликда B гуруҳидан жой олган.
Изоҳ (0)