Олмаота аэропортида жиноий доираларда Самар номи билан танилган 53 ёшли қонундаги ўғри Самаркан Ахметов қўлга олинди. Бу ҳақда “Закон.кз” хабар берди.
Маълум қилинишича, у шубҳа уйғотмаслик учун парвоз вақтида бировнинг номига сохта ҳужжатлардан фойдаланган. Самар 13 январь куни Олмаота халқаро аэропортида давлат чегарасини кесиб ўтишга уринган пайт қўлга олинган. У 2013 йилдан бери халқаро қидирувда бўлган.
Самар лақабли Самаркан Ахметов 1970 йилда туғилган. Унга нисбатан 2013 йилда Атирау вилоятида жиноий иш очилган, у ўта оғир жиноятларни содир этганликда айбланган.
Ахметов 2012 йилда тож кийган қонундаги ўғри сифатида танилган. Ўшанда, март ойининг ўрталарида Грецияда ўғрилар йиғилиши бўлиб ўтган, унда 5 нафар “қонундаги ўғрилар” тож кийишган. Ташаббускорларнинг энг кексаси Ғарбий Қозоғистон вилояти Уралск шаҳрида яшовчи 41 ёшли Самаркан Ахметов бўлган.
Изоҳ (0)