НАТОнинг шарқий қанотига Россия йирик ҳужум уюштиришни режалаштираётгани маълум қилинди. Бу ҳақда Бундесвернинг махфий ҳужжатларига таяниб, Bild хабар берди.
Махфий ҳужжатда Германия Мудофаа вазирлиги Россия ва НАТО ўртасидаги эҳтимолий “конфликтга йўл”ни батафсил баён қилади. Россия ва Ғарбнинг ҳаракатлари ойма-ой хроника қилиниб, НАТОнинг юз минглаб қўшинларини жойлаштириш ва 2025 йилнинг ёзида яқинлашиб келаётган уруш бошланиши билан якунланади.
Ҳужжатдаги маълумотларни очиқлашда хавфсизлик нуқтайи назаридан НАТО қўшинлари сони ва ҳаракатлари ҳақидаги барча маълумотлар кўрсатилмаган.
Бундесвер сценарийси “Альянс мудофааси 2025” номи билан 2024 йил февраль ойида бошланади. Унга кўра, Россия навбатдаги сафарбарлик тўлқинини бошлаб юборади ва қўшимча 200 минг кишини армияга чақиради.
“Шундан сўнг Кремль Украинага баҳорги ҳужумни бошлайди, бу эса Украина армиясининг ҳаракатланишини июнь ойигача орқага суради. Россиянинг Ғарбга дастлаб яширин, кейин эса тобора ошкора ҳужуми июль ойида бошланади. Киберҳужумлар ва гибрид урушнинг бошқа шакллари, асосан, Болтиқбўйи мамлакатларида кутилмоқда. Россия ўз ҳудудида ва Беларусда кенг кўламли машқларни бошлаш учун баҳона сифатида фойдаланадиган тўқнашувлар содир бўлади”, — дейилади прогнозда.
Сценарийга кўра, агар Россия Калининградга қўшинлари ва ўрта масофали ракеталарни жойлаштирса, октябрь ойида вазият кескинлашиши мумкин.
“АҚШ сайловдан кейин ҳафталар давомида етакчисиз қолиши мумкин бўлган бир пайтда, Беларусь томонидан қўллаб-қувватланган Россия НАТО ҳудудига 2014 йилда Украинага ҳужум қилгани каби бостириб киришини такрорлайди”, — дейилади сценарийда.
2025 йил май ойида НАТО ушлаб туриш чоралари тўғрисида қарор қабул қилади; “Х куни” НАТО шарқий қанотга 300 000 ҳарбий, шу жумладан, 30 000 Бундесвер аскарини жойлаштиради. Сценарий “Х куни”дан 30 кун ўтиб тугайди. Россия НАТО томонидан чекланиб қоладими ёки йўқми, сценарийда очиқ савол бўлиб қолмоқда. Германия Мудофаа вазирлиги вакили альянснинг мудофаа сценарийси ҳақида изоҳ беришни истамаган.
Изоҳ (0)