Россия президенти Владимир Путин, НАТОга аъзо бўлишдан олдин Россиянинг Финляндия билан ҳеч қандай муаммоси бўлмаганини айтиб, энди Ленинград ҳарбий округи тузилишини маълум қилди. Бу ҳақда “Интерфакс” хабар берди.
“Финляндия билан қандайдир мунозара бормиди? Барча низолар, жумладан, ҳудудий характердаги ХХ аср ўрталаридаги низолар ҳам анча олдин ҳал қилинган. Ҳеч қандай муаммо йўқ эди. Энди бўлади. Чунки энди Ленинград ҳарбий округини тузамиз ва у ерда муайян ҳарбий қисмларни жамлаймиз. Бу уларга нима учун керак эди, шунчаки бемаънилик”, — деди Путин.
Шу билан бирга, Путин “Россиянинг НАТО давлатлари билан жанг қилиш учун на геосиёсий, на иқтисодий, на ҳарбий сабаби борлигини айтиб, манфаатдор эмаслигини” таъкидлади.
“Улар билан ҳудудий даъволаримиз йўқ, муносабатларни бузишни хоҳламаймиз”, — деди у.
АҚШ расмийлари “НАТО хўжайинлари” сифатида буни тушунмай қолиши мумкин, деди Путин. Шунингдек, у Жо Байденнинг Путин “Украинада ғалаба қозонса”, Россия НАТОга ҳужум қилиши мумкинлиги ҳақидаги баёнотини “бутунлай сафсата” деб атади.
“Ўйлайманки, президент Байден буни тушунади. Бу уларнинг Россия йўналишидаги нотўғри сиёсатини оқлаш учун учун қилинган баёнот”, — деди у.
Изоҳ (0)