Словакия бош вазири Роберт Фицо Ғарб давлатларининг Украинага ёрдам бериш стратегиясини муваффақиятсиз деб атади.
“Ғарбнинг Россиядаги вазиятни қайта-қайта нотўғри баҳолагани ҳайратланарли... Россия иқтисодиёти ҳам, Россия валютаси ҳам қулагани йўқ, Россияга қарши санкциялар бу улкан давлатнинг ички салоҳиятини — ўзини ўзи таъминлаш даражасини оширмоқда, Россия энергетика гигантлари Хитой ва Ҳиндистонга рекорд даражада энергия етказиб бермоқда”, — деди Фицо Словакиянинг “Правда” нашри учун берган интервьюсида.
Бош вазир ўт очишни тўхтатиш ва музокаралар ўтказишга чақирди. “Хавфсизлик кафолатлари Россияга ҳам, Украинага ҳам керак. 2022 йил бошида Ғарб ўт очишни тўхтатиш жараёнига барча мумкин бўлган саъй-ҳаракатларни сарфламай, “катта хато”га йўл қўйган”, — деди Словакия бош вазири.
2023 йил декабрь ойи охирида The New York Times Россия ва Ғарб расмийларига таяниб, Россия президенти Владимир Путин воситачилар орқали Украина билан музокараларни бошлаш ва сулҳ тузишга тайёрлигини билдираётганини ёзган эди.
Шунингдек, ўша ойда Politico нашри АҚШ президенти Жо Байден маъмурияти Украина бўйича ўз стратегиясини махфий равишда ўзгартираётгани, Россия устидан тўлиқ ғалаба мақсадидан узоқлашаётгани ва урушни тугатиш бўйича мумкин бўлган музокараларда Киев позициясини яхшилашга эътибор қаратаётгани ҳақида маълум қилган.
Изоҳ (0)