Украина Қуролли кучлари бош қўмондони Валерий Залужний Запорожье вилояти орқали Азов денгизи томон ҳаракатланиб, Қримни изоляция қилиш учун 2022 йилда қарши ҳужумни амалга оширмоқчи эди, аммо АҚШ бунга рози бўлмади. Бу ҳақда Business Insider хабар берди.
АҚШ ушбу режа ўрнига Украина Қуролли кучларига Херсонни нишонга олишни тавсия қилган. Украина президенти Владимир Зеленский ҳам Ғарб ҳамкорлари билан суҳбат чоғида Залужнийнинг режасини қўллаб-қувватлаган.
“Киев режаларини амалга ошириш учун Вашингтондан 90 та қўшимча гаубица ва етарли миқдорда артиллерия ўқ-дориларини сўраган”, — дейди Трофимов.
Бироқ АҚШ ўша пайтда Украина қўшинлари бу вазифани уддалай олмаслигидан хавотирда бўлган. Вашингтон нуқтаи назаридан,“муваффақиятсизлик эҳтимоли бор эди ва унинг оқибатлари потенциал ҳалокатли эди”.
“Биз уларга буни Херсонда амалга оширишни тавсия қилганимиз сабаби, Украина армияси жанубга юбориш учун ўқитилган ходимлар ва жиҳозларга эга эмасди”, — дейди ушбу муҳокамаларда иштирок этган Пентагоннинг юқори мартабали расмийси.
Залужний АҚШнинг позицияга қўшилмаган ва Украина “қўлимиздан келганича эмас, керак бўлган жойда ҳужум қилиши керак”, деган. Бироқ АҚШ Украинага бериладиган ҳарбий ёрдамнинг катта қисмини назорат қилгани боис баҳс узоқ давом этмаган.
Аммо Залужний 2022 йилда юқори хавфли ва юқори мукофотли ҳужумни хоҳлаган. Бироқ бу содир бўлмаган ва у қандай тугашини аниқ билиш мумкин эмасди. Охир-оқибат, Украина Азов денгизига ўтиш умидида Запорожьеда қарши ҳужумни бошлаган, аммо бу Залужний режалаштирганидан бир йил кейин, 2023 йилнинг кузида содир бўлган. Бу сафар Россия кучлари кўпроқ тайёр бўлиб чиққан.
Украина Запорожьедаги мураккаб истеҳкомлар тармоғи бўлган Суровикин чизиғини бузишга муваффақ бўлган. Режа дастлабки мудофаа чизиғини ёриб ўтиш ва Ғарб қурол-аслаҳаларининг босиб олинган ҳудудга киришига имкон бериш учун ҳудудни кенгайтириш эди, аммо бу амалга ошмаган. Агар Украина ўшанда Запорожьени босиб олганида, уруш ҳозир бутунлай бошқача кўринишга эга бўлиши мумкин эди.
Изоҳ (0)