Кўплаб машҳурлар сингари 2023 йилда оила қурган турк юлдузлари ҳақида маълумот берамиз.
Эда Эже
21 июнь куни Эда Эже турмушга чиқди. “Тақиқланган севги” сериали юлдузи баскетболчи Буғраҳан Тунжернинг қонуний рафиқасига айланди. Тўй кенг миқёсда нишонланди. Тўйга нафақат оила аъзолари ва яқин дўстлар, балки жуфтликнинг кўплаб танишлари ҳам таклиф қилинди. Туркия матбуоти Эда маросимда яхшигина пул ишлаб олганини ёзди. Кўплаб таблоидлар тўй расмларини биринчи бўлиб нашр этиш ҳуқуқи учун рақобатлашди.
Селим Байрактар
1 май куни “Муҳташам юз йил” сериалидаги Сунбул оға роли билан машҳур бўлган Селим Байрактарнинг тўйи бўлиб ўтди. Актёрнинг рафиқаси Эмел Каракўсе бўлиб, актёр биринчи хотинидан ажрашгандан сўнг кўп ўтмай учраша бошлашган — Эмел ҳам аввал турмуш қурган, олдинги никоҳидан бир қизи ҳам бор. Гап-сўзларга қараганда Байрактарнинг биринчи никоҳи айнан Эмел туфайли бузилган. Аммо бу миш-мишлар расман тасдиқланмаган. Тўй маросими яқинларининг кичик даврасида бўлиб ўтди.
Каан Урганжиўғлу
Каан Урганжиўғлу Буржу Денизерга яширинча уйланган. У кейинроқ ижтимоий тармоқдаги саҳифасига тўйдан олинган суратларни жойлаштириш орқали мухлисларига бу хушхабарни эълон қилди. Жуфтлик дабдабали тўйдан бутунлай воз кечиб, Туркиянинг Грециядаги элчихонасида никоҳдан ўтди. Тез орада Денизер фарзанд кутаётганини маълум қилди. Натижада Каан бир йил ичида ҳам ота, ҳам эр бўлишга муваффақ бўлди.
Дениз Чақир
Кўплаб турк мухлислари учун асосий сюрприз “Муҳташам юз йил” юлдузи Дениз Чақирнинг никоҳи бўлди. 41 ёшли актриса тадбиркор Билгечен Байкалга турмушга чиқди. Камтарона маросим пайтида Денис одатдаги келин гулдастасидан воз кечиб, қўлида тинчлик ва севги рамзи дафна новдасини ушлаб турди.
Бора Аккаш
2023 йилнинг 2 февралида “Уч куруш” сериали юлдузи Бора Аккаш Обен Акал билан турмуш қурди. Камтарона тўй Миланда бўлиб ўтди. Маросимга эр-хотиннинг яқинлари таклиф қилинди. Таъкидлаш жоизки, бу Аккашнинг иккинчи тўйи эди. Биринчиси 2017 йилда бўлиб, ўшанда Бора ҳамкасби Седа Туркменга уйланганди. Бироқ икки йилдан кейин улар ажрашди.
Эзги Мола
8 май куни 40 ёшли турк юлдузи Эзги Мола севгилиси Мустафо Аксакалли билан турмуш қурди. Маросим учун актриса шлефли ва елкалари очиқ узун оқ кўйлак танлади. Севишганлар 4 йиллик муносабатлардан сўнг турмуш қуришга қарор қилди. Кўплаб ҳамкасбларидан фарқли ўлароқ, Мола дабдабали тўй ўрнига кичик маросим ўтказди. Тўйга атиги 14 нафар меҳмон таклиф қилинди.
Изоҳ (0)