Япониянинг Ишикава шаҳрида 1 январь куни кучли зилзила содир бўлди, унинг эпимаркази Ното ярим оролида, силкинишлар ўчоғи эса 10 километр чуқурликда жойлашган. Ҳоккайдодан Кюсюгача кузатилган силкинишлар магнитудаси тахминан 6-7 баллга баҳоланди.
Зилзиладан кейин юзага келган ёнғин Вадзима шаҳридаги (Исикава префектураси) бозорни бутунлай вайрон қилди. Шаҳар марказида икки юздан ортиқ бинолар ёнғин оқибатида зарар кўрган ёки вайрон бўлган.
Исикава префектурасида содир бўлган энг кучли зилзила магнитудаси 7,6 баллга баҳоланмоқда. Сўнгги маълумотларга кўра, минтақада 92 киши ҳалок бўлган, яна 50 га яқин киши бедарак йўқолган деб ҳисобланмоқда.
Сузу шаҳри (Исикава префектураси) йўллари вайроналарга тўлиб кетган, зилзила бу ердаги кўплаб биноларни яксон қилган.
Коммунал хизматчилар зилзила оқибатида шикастланган электр узатиш линияларини таъмирлаб, Сузу шаҳрига электр энергиясини қайтармоқда.
Исикава префектурасининг бошқа шаҳарлари, жумладан, 50 мингдан ортиқ аҳолига эга Нанао ҳам зилзиладан жабр кўрди.
Исикава префектураси йўлларида асфальт ёрилиб, айрим автомобиллар чуқурликка тушиб кетган.
Зилзиладан жабр кўрган префектура аҳолисига ер силкиниши оқибатида вайрон бўлган дўконлардан товарларни бепул олиб кетишга рухсат берилди.
Зилзила оқибатида вайрон бўлган уйлар аҳолиси вақтинчалик бошпаналарга, жумладан, ер силкинишидан омон қолган мактабларга жойлаштирилди.
Кўнгиллилар вайрон бўлган уйлардан кўчирилган одамларга ёрдам бермоқда.
Зилзиладан жабр кўрган уйлар аҳолиси зилзила такрорланса, бинолар қулаб тушишидан қўрқиб, энг керакли нарсаларни кўчадаги чодирларга ташимоқда.
Бузилган йўллар Исикава префектурасининг кўплаб жамоаларини мамлакатнинг қолган қисмидан узиб қўйди.
Изоҳ (0)