Ҳиндистон томони Украинага артиллерия ўқ-дориларини юбормаган. Бу ҳақда Нью-Деҳлидаги брифингда Ҳиндистон Ташқи ишлар вазирлиги расмий вакили Рандҳир Жайсвал маълум қилди.
“Биз Украинага артиллерия ўқ-дориларини жўнатмаганмиз, буни қатъий айтишимиз мумкин”, — деди у.
Аввалроқ Россия ва Украинанинг айрим ОАВ Украина армияси Ҳиндистонда ишлаб чиқарилган ўқ-дорилардан фойдалана бошлагани ҳақида хабар берган эди.
Улар Украина Қуролли кучлари ҳарбий хизматчиси томонидан ижтимоий тармоқларда тарқалган видеодан келиб чиқиб шундай хулосага келишган: видеода Ҳиндистонда ишлаб чиқарилган 155 миллиметрли снаряд тасвирланганди.
Изоҳ (0)