Демографик инқироз бугунги кунда инсониятнинг энг катта муаммосидир, деди америкалик тадбиркор Илон Маск Х ижтимоий тармоғида.
“Инсоният олдида турган энг катта муаммо – демографик инқироздир”, — деб изоҳ берди Маск DogeDesigner номи билан жойлаштирилган бир неча мамлакатларда туғилишнинг рекорд даражада пастлиги ҳақидаги постга жавобан.
DogeDesigner томонидан санаб ўтилган мамлакатлар орасида Япония, Сингапур, Вьетнам, Италия, Нидерландия, Жанубий Корея ва Хитой бор.
Аввал Маск сунъий интеллект соҳасидаги тадқиқотларни инсоният учун асосий таҳдидлар қаторига киритиб, бундай тадқиқотлар чекланиши кераклигини бир неча бор таъкидлаган эди. Шунингдек, у келаётган 2024 йил аввалгиларига қараганда “ақлдан оздирувчи” бўлишини таъкидлади.
2022 йилнинг ноябрида дунё аҳолиси 8 миллиард кишидан ошди. БМТ маълумотларига кўра, сайёрамиз аҳолиси 12 йил ичида 1 миллиардга кўпайган. Прогнозларга кўра, инсоният 2030 йилга бориб 8,5 миллиардга, 2080 йилга бориб эса энг юқори чўққи — 10,4 миллиардга етади.
Шу билан бирга, БМТ аҳоли сонининг доимий ўсишига қарамай, ўсиш суръати сўнгги пайтларда секинлашганини таъкидлади. 2022 йилдан 2050 йилгача 60 дан ортиқ мамлакатда “туғилишнинг доимий пастлиги ва баъзи ҳолларда эмиграция кўрсаткичларининг ошиши” туфайли аҳоли сони 1 фоизга ёки ундан кўпроққа қисқариши кутилмоқда.
Изоҳ (0)